Жітіқаралық спортшылар Қазбеков Әмір мен Лопатин Максим Қ. Успановты еске алуға арналған баскетболдан Қазақстан Республикасының ХХ Ашық кубогында өңіріміздің намысын абыроймен қорғады
Жітіқаралық спортшылар Қазбеков Әмір мен Лопатин Максим Қ. Успановты еске алуға арналған баскетболдан Қазақстан Республикасының ХХ Ашық кубогында өңіріміздің намысын абыроймен қорғады. Қостанай облысының құрамасы сапында өнер көрсеткен жас спортшылар жоғары дайындық деңгейін, ұйымшылдық пен жеңіске деген жігерін танытып, жүлделі III орынды иеленді.
Әмір мен Максим Жітіқара қаласындағы балалар мен жасөспірімдер спорт мектебінде спорттық дайындықтан өтеді және Белова В.Е. мен Қабылов Е.С. жетекшілігімен жаттығады.
Аталған турнир – халықаралық деңгейдегі маңызды спорттық жарыстардың бірі. Көрсетілген нәтиже жүйелі жұмыстың, табанды жаттығулардың және жас спортшылардың мақсаткерлігінің айқын дәлелі болып табылады. Жітіқаралық спортшылар түрлі деңгейдегі жарыстарда өздерін сенімді түрде танытып, туған қаланың абыройын асырып, өңірде баскетболдың дамуына өз үлестерін қосуда.
Спортшыларға алдағы уақытта да толағай табыс, жаңа жеңістер мен жоғары спорттық жетістіктер тілейміз!
